..::: www.Vera-Ks.com :::..

Meksiko Siti, 9 mars – Me rastin e Ditës së gruas, në burgun meksikan të Ciudad Juarez, është organizuar gara tradicionale për zgjedhjen e bukuroshes së burgut, respektivisht Miss burgu. Titulli i më të bukurës sivjet i takoi të burgosurës 22 vjeçare Cecilija Juarez. Cecilija është shpallur miss në konkurrim me 15 femra të tjera nga një juri profesionale.
Cecilija kaloi në burg dy muajt e fundit për shkak të trafikimit të drogës dhe është duke pritur dënimin.

Athinë, 9 mars – Një 22 vjeçar shqiptar, emri i të cilit nuk bëhet publik, është ekzekutuar në rrugën “Pratinu” në lagjen Pagrati të Athinës. Sipas policisë, trupi i 22 vjeçarit u gjet i pa jetë në korridorin e pallatit ku ai banonte prej fqinjëve të tij. Policia, që mbërriti menjëherëë në vendngjarje, tha se viktima kishte në trup disa plagë të shkaktuar nga një mjet prerës, ndoshta thikë, ka raportuar Top Channel. Ndonëse krimi ndodhi rreth orës 20, sipas orës lokale, askush prej banorëve të pallatit nuk pa ose dëgjoi diçka të pazakontë.
Fqinjët thanë jashtë kamerave se i riu i ekzekutuar kishte pak kohë që kishte marrë me qera një banesë në rrugën “Pratinu” dhe se ai nuk komunikonte pothuaj fare me banoret e tjerë të pallatit.
Fqinjët thanë se bëhet fjalë për një person që kishte sjellje normale dhe pak njerëz e vizitonin në banesen e tij.
Trupi i pa jetë i 22 vjeçarit u dërgua në morgun e Athinës për ekspertizë mjeko-ligjore, ndërsa policia ka filluar hetimet në rrethin e personave të njohur të viktimës për të gjetur edhe autoret e ketij krimi.

Dy nga njerëzit më të vjetër të botës janë ndarë nga jeta në të njëjtën ditë.Meri Jozefinë Rei, e certifikuar si personi më i vjetër në Shtetet e Bashkuara, vdiq të djelën në moshën 114 vjeç e 294 ditë. Në të njëjtën ditë u nda nga jeta dhe amerikanja tjetër, Deizi Beilei, 113 vjeç e 342 ditë.Aktualisht personi më i vjetër në botë është japonezja, Kama Çinen, që është 114 vjeç dhe më shumë se 300 ditë.

Modelja Zana Krasniqi është një vajzë shumë e hedhur dhe kur bën ndonjë prapësi e pëson. Teksa ka qenë duke u ngjitur në një pemë, Zana ka ngelur në majë të saj dhe nuk ka ditur si të zbresë. Kjo zbritje paksa e sikletshme ka bërë që flokët t’i ngelen mes degëve, ndërsa nga dekolteja është duke i dalë më shumë se asnjëherë në pah gjoksi.
Por, në këtë situata, duket se Zana nuk e vret mendjen për pamjen e pakëndshme që mund të lërë për ata që e shohin. E vetmja gjë që duket se mendon në ato çaste është se si të zbresë nga pema.
Gjithsesi, miqtë e saj kanë arritur ta fiksojnë këtë çast për t’i kujtuar modeles prapësitë e saj…

Nuk është e hëna e zakonshme. Sot është tetë marsi, festa e grave. Gra sot është festa juaj, dita juaj. Sa e rëndësishme është origjina e kësaj ngjarje e tillë? Ne të gjithë e dimë se 8 marsi është “Dita Ndërkombëtare e Gruas”, falë grave si Rosa Luksemburg dhe të tjera, në kujtim të tragjedisë së në Nju Jork ku punëtorët janë djegur deri në vdekje 129 fermave etj. Por sot ju nuk duhet të mbani mend arritjet sociale, diplomatike, politike dhe ekonomike, si dhe diskriminimin dhe dhunën që vazhdojnë shumë prej jush ta vuajnë,: ajo është betejë, luftë, protestë dhe me ato merreni në 364 ditë të mbetura. Nesër është një ditë festive dhe, në qoftë se keni me të vërtetë dëshirë, të zbaviteni. Megjithëse më duket pak festë demode, të cilën ju gratë e shihni si një ditë triumfi ndaj ne meshkujve, me thënë të drejtën, nuk është ashtu, e rëndësishme është që ju sot të festoni pa ne burrat nëpër këmbë. Sepse të tregohemi pak më realist, dhe të flasim hapur, kjo festë e parë nga sytë mashkullor është krejtësisht e ndryshme nga mendimi juaj, dhe me kalimin e kohës, ju e pranoni se është kështu. Por ju për çdo vit përfundoi duke festuar, pa arsye, pa përkujtuar as edhe justifikimin se përse është një datë e tillë andaj ne meshkujve na jep bezdisje. Pasi për një numër vogël të grave, kjo ditë është një rast i domosdoshëm për të reflektuar mbi statusin e grave.

Megjithatë e meritoni që të paktën një ditë në vit, ju të festoni pa ne, të organizoni festa të çmendura me shoqet tuaja, të hani, të pini dhe të kërceni deri në mesnatë. Ankesat tuaja të përditshme se vijmë vonë në shtëpi, se asnjëherë nuk e dini adresën e saktë se ku argëtohemi me “shokët tanë”, se vetëm ju merreni me familjen, shtëpinë dhe fëmijët, e pra sot do të përkujdesemi ne për gjithçka.

Elsa Lila ka mbërritur në kryeqytet për një qëndrim treditor për të takuar gjyshërit e saj, të cilët jetojnë në Tiranë, me te vetmin ndryshim te “vockel”, ka fryre buzet me silikon. E veshur më se thjeshtë, shumë larg të qenit një personazh publik, me një palë pantallona, një bluzë dhe një kapele, mbase edhe për të evituar shikimet e kureshtarëve, kengetarja e mirenjohur ka hyrë në ambientet e “Hotel Tirana”, ku edhe miqtë e saj fillimisht nuk e kanë njohur. Por ajo që na ka bërë përshtypje tek Elsa kanë qenë buzët. Ato nuk janë më si më parë. Pak silikon dhe ja, Elsa ka tentuar pse jo, të bëhet pak seksi. Nuk dihet nëse kjo ndërhyrje është bërë para se ajo të shkonte në Madagaskar të Afrikës apo aktualisht, por ajo që duket, mbetet fakti se Elsa nuk ka më buzët që kishte.

Intervistë me Fisnik Vejsën Organizator i reality show: “VIP Shpija” “Do të marrin pjesë “Stupcat”, “Big Mama”, aktori i serisë “Kafeneja jonë”, Fatos Kryeziu, Bertani nga Mqedonia, Agimi i grupit “Fisnikët”, kurse emrat e tjerë do t’i mësoni shumë shpejt. Po ashtu, edhe lexuesit tuaj do të jenë të parët që do t’i mësojnë emrat e pjesëmarrësve të tjerë”, shprehet Fisnik Vejsa. B. Zymberi: Fillimisht, na tregoni si lindi ideja për të bërë një reality shou me vip? Fisnik Vejsa: Kemi ndenjur një natë në një kafe të Prishtinës me Vedatin e “Stupcave”. Atij ia kam bërë pyetjen, a do të hyje në “Shpi” me vipa, kurse ai më është përgjigjur më le të mendohem 24 orë. Të nesërmen më ka thirrur në telefon dhe më tha: Shumë kam dëshirë të provoj veten të mbyllur”, sepse dihet se “Stupcat” kanë shumë aktivitete në Gjermani, Zvicër, Amerikë etj. Pastaj jemi takuar sërish me Vedatin e “Stupcave”, i cili a ka konfirmuar pjesëmarrjen, por unë i thashë se do ta organizoj vetëm nëse hyni si grup, pra Vedati, Mensuri dhe Osmani. Pra, kështu nisi ky shou me vipa, nga një bisedë me Vedatin e “Stupcave”. Për këtë projekt jemi duke punuar prej një muaji dhe po kaq kohë ka mbetur derisa të nisë shou. Ideja e organizimit të këtij shou është që publiku të shohë se çka bën një i famshëm në jetën e tij apo të saj të përditshme dhe këtë gjë shikuesit kanë mundësi ta shohin në “VIP Shpija”. Pesë javë janë të mbyllur B. Zymberi: Kur do të nisë ky shou? Fisnik Vejsa: Do të jetë në muajin prill, por për momentin nuk mund t’jua them datën e saktë. B. Zymberi: Sa do të zgjasë “VIP Shpija”? Fisnik Vejsa: Do të zgjasë pesë javë. B. Zymberi: VIPat a do të rrinë në shtëpinë e njejtë ku kanë qëndruar mysafirët e “Shpisë”, apo në ndonjë shtëpi tjetër? Fisnik Vejsa: Sot kur lexuesit e gazetës “Kosova Sot” dhe lexuesit e faqës vipshpija.com mjeshtrit do të jenë duke punuar për të bër ndryshime rrënjësore për “VIP Shpija”. Do të ndërrohen oren-ditë, ngjyrat e shumë gjëra tjera. Do ta shihni kur të nisë ky shou se si do të duket “Shpija e Vipave, do të jetë diçka madhështore”. B. Zymberi: Sa VIPa do të marrin pjesë në këtë shou? Fisnik Vejsa: Do të marrin pjesë 12 garues. B. Zymberi: Mund të na tregoni disa nga emrat e vipave që do të marrin pjesë? Fisnik Vejsa: Do të marrin pjesë “Stupcat”, “Big Mama”, aktori i serisë “Kafeneja jonë”, Fatos Kryeziu, Bertani nga Mqedonia, Agimi i grupit “Fisnikët”, kurse emrat e tjerë do t’i mësoni shumë shpejt. Po ashtu edhe lexuesit tuaj do të jenë të parët qe do t’i mësojnë emrat e pjesëmarrësve të tjerë. Eliminimet dhe nominimet, më shpesh B. Zymberi: Në cilin televizion do të jepet 24 orë “live” shou “VIP Shpija”? Fisnik Vejsa: Do të jetë një kanal i veçantë i ri i quajtur “TV Shpija”, ku shikuesit do të kenë mundësi të shohin gjithçka që ndodh brenda 24 orëve në “VIP Shpija”. Po ashtu, nominimet dhe eliminimet do të ndodhin më shpesh, ku çdo të tretën ose të katërten ditë do të ketë nominime. “VIP Shpija” do të keni mundësi ta shihni 24 orë live në internet në faqën e adhuruesve: www.vipshpija.com”. B. Zymberi: Në cilin televizion kombëtar do të shfaqen spektaklet javore?”: Fisnik Vejsa: Do të shfaqen në RTV 21, pra do të vazhdojë bashkëpunimi me RTV 21. B. Zymberi: Kush do të jetë moderatori i “VIP Shpija”? Fisnik Vejsa: Emisioni do të udhëhiqet prej Gentit dhe Shukit dhe do të jenë dy befasi ndihmëset e tyre. Kurse, asistentet e tyre do të jenë vajzat e “Shpisë”, si Jehona etj. B. Zymberi: Sa do të jetë shpërblimi për këtë shou? Fisnik Vejsa: Vipat tanë kanë hequr dorë nga shpërblimi kryesor, dhe ky shpërblim do të shkojë për çeshtje humanitare, dhe krahas kësaj do të ketë edhe dy aktivitete humane, ku mjetet do të shkojnë te njerëzit e caktuar. B. Zymberi: Dihet se shumë këngëtarë për një javë fitojnë para të majme në mërgim. Sa para ju kanë kërkuar vipat për të qëndruar një javë në VIP Shpija”? Fisnik Vejsa: Për këtë gjë ende jemi në bisedime dhe tash për tash nuk mund të them asgjë.

Prishtinë, 4 mars  – Këshilli i drejtorëve i Komunës së Prishtinës, nën udhëheqjen e kryetarit Isa Mustafa, në mbledhjen e sotme shqyrtoi dhe miratoi raportin e punës së kryetarit të Komunës për situatën ekonomike, financiare, zbatimin e planeve investive dhe aktivitetet e organeve të komunës për vitin 2009. Pas shpjegimeve të drejtoreshës së Drejtorisë për Urbanizëm, Ndërtim dhe Mbrojtje të Mjedisit, Luljeta Sokoli, Këshilli i drejtorëve miratoi manualin për legalizimin e ndërtimeve pa leje, si dhe propozim-vendimin për destinimin e tepricës së mjeteve financiare. Të gjitha pikat e miratuara në këtë mbledhje nga Këshilli i drejtorëve, do t’i kalohen për miratim komitetit për Politikë dhe Financa dhe më pastaj do t’i procedohen Kuvendit për miratim.

Aktorja dhe moderatorja jonë e mirënjohur, Teuta Krasniqi edhe pse në muajin e tetë të shtatzënisë është duke punuar me zell të madh në realizimin e emisionit “Lidhja mes nesh”, që së shpejti pritet të kthehet në ekranet e RTK-së. Në një intervistë për të përditshmen “Lajm”, Teuta – e cila është duke bashkëjetuar me këngëtarin Blero – ka bërë të ditur se cikli i ri do të vazhdojë me gjashtë emisione – ndërkaq në muajin shtator, siç shpjegoi ajo, aksioni humanitar do të vazhdojë në një formë tjetër.Projekti realizohet falë ndihmës së fondacionit të Behgjet Pacollit dhe mbështetjes nga disa kompani të tjera. Në ciklin e parë të emisionit “Lidhja mes nesh” janë ndërtuar 12 shtëpi, ndërsa në ciklin e dytë 5 sosh

Këngëtarja Ledina Çelo, e cila kishte planifikuar që këtë vit të merrte pjesë për herë të parë në festivalin e muzikës moderne “Top Fest 7”, ka vendosur t’i thotë jo ftesës që iu bë nga organizatorët e këtij festivali plot katër muaj më parë. Këngëtarja, e cila për momentin ndodhet në Gjermani ka sqaruar për gazetën “Panorama”, se në fakt e kishte mirëpritur këtë ftesë që i ishte bërë nga “Top Channel”, për të qenë pjesë e këtij festivali të muzikës moderne, ku dominojnë të rinjtë. 

Por sipas saj, plani ndryshoi për faktin se ajo po synon tregun evropian të muzikës, për të cilën dihet që artistët shqiptarë e kanë shumë të vështirë të depërtojnë. Dhe kështu duket se këngëtares 33 vjeçare po i ecën fati, pasi klipi i saj më i ri me titull “Dangerous”, ka hyrë në top-listën e këngëve më të dëgjuara në Gjermani. Ky klip, ku ajo shfaqet me veshje tërësisht ekstravagante, nga java në javë po pëson ngjitje në klasifikimin e 100 këngëve më të dëgjuara të momentit në Gjermani.

Ledina Çelo ishte menduar të ishte një nga këngëtaret me më shumë karrierë që do këndojnë “live”, për herë të parë në festivalin “Top Fest”, duke hyrë kështu në garë me shumë artistë debutues. Kjo do të ishte shfaqja e parë në skenë e Ledinës, pas një periudhe pauze në festivale, ndërsa e ndan jetën që bën mes Londrës, Gjermanisë dhe Tiranës.

Këngëtarja nga Shkupi, Altuna Sejdiu e njohur per disa histori dashurie që i ka bërë publike ka vendosur ti jap fund beqarisë. Më katër prill ajo do të bëhet nuse e Rilind Rekës, me të cilin është në lidhje dashurie më tepër se një vit. Të përditshme në Shkup thonë se dasma është caktuar të mbahet më 4 prill në hotelit elitar “ Aleksandar Palas” në Shkup. Personi fatlum i cili do të jetë bashkëshorti i yllit të pop muzikës është djali i ambasadorit të Maqedonisë në misionin e BE-së në Bruksel, Blerim Rekës. Lajmi për martesën është bërë I ditur sipas gazetave, pikërisht nga diplomati Reka i cili ka vërtetuar martesën, por nuk ka preferuar të komentojë më shumë. Dashuria e zjarrtë mes Tunës dhe Rekës, ka kohë që nuk mbahet sekret. Fotografitë e tyre mund ti hasësh gjithandej nëpër revista dhe faqet e tyre personale ne facebook.

Është 17 vjeç, por është më se e talentuar. Që në moshën 8 vjeçe ka nxjerrë albumin e saj të parë muzikor për fëmijë. Në moshën 12 vjeç, të dytin. Aktualisht ka në treg 12 këngë, 6 në shqip dhe 6 në anglisht. Besa Krasniqi, shqiptarja që jeton në Suedi, ka ditur të triumfojë me talentin e saj të jashtëzakonshëm dhe të bëjë fansa jo vetëm në vendin e saj. E jo vetëm, por ka mundur të marrë edhe vlerësime nga ministrja e Kulturës suedeze, Lena Halengren

Derisa ende nuk ka hy ne përdorim ueb sajti i presidentit Sejdiu,gjithashtu edhe ajo e  Tadicit është në kontroll të hakerëve shqiptar si hakmmarrje . Më heret kishte vetem  shkrim tani është vendosur edhe një fotgrafi e presidentit Fatmir Sejdiu dhe kryeministrit Hashim Thaci.

Në një emision të Rtv 21 ishin mysafir të 4 finalistët e “shpisë” ata rrefyen për shumë gjëra interesante qe i kan prit ata pas daljes nga “shpija”.Gjatë emisionit Fadili i premtoi Qendrimit 4000 euro! www.Vera-Ks.com

Kanë kaluar disa muaj që kur këngëtarja Kaltrina Selimi i ka dhënë fund beqarisë, duke u fejuar me Driton Stubllën, biznesmenin shqiptar që jeton dhe punon në Londër. Në Kosovë të gjithë e kanë identifikuar si këngëtarja më simpatike e estradës. Ajo është e dashur për publikun dhe shumë e suksesshme. Kohëve së fundit ka realizuar disa hite të cilat e kanë klasifikuar ndër këngëtaret më të dëshiruara. Edhe pse deri më tani nuk ka realizuar ndonjë album, për shkak të piraterisë në internet, këngët dhe klipet nuk i kanë munguar.

Nga mesi i këtij viti, Kaltrina planifikon që këngët e realizuara t’i përmbledhë të gjitha në një album. Për momentin, ajo është larguar nga Kosova duke lënë anash angazhimet muzikore për të qëndruar disa ditë tek i fejuari në Londër. Largësia është problem kryesor në lidhjen e dashurisë tek të gjithë, por Kaltrina si këngëtare udhëton shpesh nëpër koncerte dhe kohën e lirë mundohet që t’ia kushtojë të fejuarit. Ka ngelur ndër të paktat këngëtare që ka një lidhje serioze.

Karriera e saj ka filluar pa shumë bujë por me hapa të sigurtë. Fillimi me grupin “Hana Band” si soliste, për këngëtaren ishte një eksperiencë shumë e bukur derisa ndodhi edhe “tradhëtia” nga anëtarët e tjerë të grupit. Më vonë pasi audienca e pëlqeu shumë Kaltrinën, ajo filloi karrierën “solo” duke u prezantuar nëpër shumë festivale dhe duke fituar çmime të rëndësishme./panorama.